Ixxerja

Fotografu Malti, indirizzat fuq il-paġna soċjali tiegħu bħala Martin Seychell Photography, qasam ritratt mill-isbaħ tal-qamar mimli li deher ilbieraħ 29 ta’ Ġunju. 

F’dan ir-ritratt partikolari u uniku jidher fih ajruplan jgħaddi eżatt quddiem il-qamar mimli u għalhekk joħloq xena tassew impressjonanti.Ir-ritratt, li ġibed l-attenzjoni ta’ bosta fuq il-midja soċjali, juri s-sbuħija tan-natura flimkien mal-moviment tal-ħajja moderna, hekk kif is-siluwett tal-ajruplan jidher quddiem il-qamar jiddi fis-sema tal-lejl.

Biex jinkiseb dan it-tip ta’ ritratt hemm bżonn  ta’ ħafna paċenzja, ħin preċiż u ppjanar tajjeb, hekk kif il-fotografu jrid jaħtaf il-mument eżatt meta l-ajruplan jgħaddi minn quddiem il-qamar għal ftit sekondi biss.

Dan huwa ritratt li ma tistax tinjorah  u filwaqt li jolqot l-attenzjoni ta’ bosta, dawk li huma midħla tal-fotografija jistgħu jarawh minn lenti artistika – fejn ix-xogħol, id-dedikazzjoni u d-dettall jispikkaw u japprezzawhom b’għajnejn differenti.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Ritratt Antik Ta’ Tfal Wara L-Attakki Tal-Gwerra Jqanqal Mistoqsija – ‘X’Inbidel Fil-Kuntentizza Tagħna llum?’

Eileen Cumbo Salerno Illum

Illum ħafna tfal u żgħażagħ tista’ tgħid għandhom aċċess għal bosta affarijiet meta mqabbla mal-ġenerazzjonijiet ta’ qabel.Fost dawn ma nistgħux neskludu t-teknoloġija avvanzata, kumditajiet moderni, id-dritt għall-edukazzjoni u bosta opportunitajiet. Għaldaqstant, iktar kemm jgħaddi ż-żmien sirna nisimgħu b’aktar ansjetà, solitudni u diffikultajiet emozzjonali fost iż-żgħażagħ.X’tista’ tkun il-problema? Huwa l-pass mgħaġġel tal-ħajja moderna? Il-pressjoni kontinwa tal-midja […]