Ixxerja

Skont informazzjoni li ttellgħet fuq il-paġna ta’ Puttinu Cares, Shezneia Grech, tfajla ta’ 12-il sena, se tkun preżenti fil-Fiera tal-Kotba b’risq Puttinu fejn se tkun qed tbigħ il-ktieb tagħha Delitt fil-Katakombi.

Shezneia spjegat li sa minn età żgħira ħafna kellha x-xewqa li tikteb ktieb, hekk kif il-lingwa Maltija dejjem kienet għal qalbha. Illum, dik il-ħolma saret realtà wara li rnexxielha tlesti u tippubblika l-ewwel xogħol tagħha.

Hi rrakkontat ukoll li dan il-proġett seta’ jitwettaq grazzi għall-ġenerożità ta’ ħafna Maltin li taw donazzjonijiet biex il-ktieb ikun jista’ jara d-dawl. B’mod partikolari, irringrazzjat lill-familja tagħha, li ddeskriviet bħala l-akbar sapport tagħha tul dan il-vjaġġ.

“Dan il-ktieb tela’ bis-saħħa tagħkom, għax ħafna qlub Maltin tawni donazzjonijiet biex seta’ jinbena dan il-proġett,” qalet Shezneia fil-messaġġ tagħha.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Ritratt Antik Ta’ Tfal Wara L-Attakki Tal-Gwerra Jqanqal Mistoqsija – ‘X’Inbidel Fil-Kuntentizza Tagħna llum?’

Eileen Cumbo Salerno Illum

Illum ħafna tfal u żgħażagħ tista’ tgħid għandhom aċċess għal bosta affarijiet meta mqabbla mal-ġenerazzjonijiet ta’ qabel.Fost dawn ma nistgħux neskludu t-teknoloġija avvanzata, kumditajiet moderni, id-dritt għall-edukazzjoni u bosta opportunitajiet. Għaldaqstant, iktar kemm jgħaddi ż-żmien sirna nisimgħu b’aktar ansjetà, solitudni u diffikultajiet emozzjonali fost iż-żgħażagħ.X’tista’ tkun il-problema? Huwa l-pass mgħaġġel tal-ħajja moderna? Il-pressjoni kontinwa tal-midja […]