Ixxerja

L-azzjonijiet ta’ Miriana Conte barra mill-palk qed jiġbdu l-ammirazzjoni ta’ ħafna, hekk kif Ackerley Pace qasam messaġġ emozzjonanti dwar il-ġest sabiħ li għamlet il-kantanta.

Pace kiteb li ħafna jistgħu jiġġudikaw lil Miriana minn dak li jaraw waqt il-wirjiet mużikali tagħha, iżda sostna li qatt m’għandhom jiġġudikaw ruħha jew il-qalb tagħha. Skontu, għall-ħabta tat-3.00 ta’ filgħodu, Miriana waqfet biex issalva qattusa ċkejkna li kienet f’diffikultà, minflok għaddiet minn ħdejha u ħallietha hemm.

Huwa żied li l-impenn tagħha ma waqafx hemm. Il-ġimgħa li għaddiet ħadet il-qattusa għand il-veterinarju u ġimgħa wara reġgħet ħaditha għal check-up ieħor biex tiżgura ruħha li kienet f’saħħitha u qed tieħu l-kura meħtieġa.

Fi tmiem il-messaġġ tiegħu, Pace faħħar lil Miriana għall-ġest tagħha filwaqt li kiteb: "Prosit, Miriana Conte. Qalb tajba qatt ma tinbidel."

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

“Qed Ngħixu Fil-Ħmieġ” – Tiġi Kkritikata S-Sitwazzjoni Tal-Indafa F’San Ġiljan

Eileen Cumbo Salerno Illum

Ftit tas-sigħat ilu intwera biċ-ċar id-diżappunt dwar l-istat tal-indafa f’San Ġiljan wara li nxtered ritratt li juri għadd ta’ boroż taż-żibel imħallija fuq il-bankina fi Triq il-Qalliet.F’kumment li ttella’ fuq il-paġna Save St Julian’s, persuna Maltija kitbet: “Għira ta’ xiex eżatt qiegħda Malta? Żona turistika, Triq il-Qalliet, it-8pm f’nofs il-ġimgħa. Għad għandna l-istess skeda tat-tindif ta’ 20 […]