Ixxerja

Ftit jiem ilu l-preżentatriċi Angela Agius ħabbret it-tmiem tal-karriera tagħha wara iżjed minn 48 sena tippreżenta taħlita ta' programmi differenti fuq it-televixin kif ukoll fuq ir-radju Malti. It-tmiem tal-karriera tagħha fisser ukoll li hi mhijiex se tibqa' l-wiċċ tal-programm Niskata kif dejjem kienet matul dawn l-aħħar 17-il sena.

Illejla, sabiex proprju tiċċelebra dan il-mument speċjali f'ħajjitha, hi ngħatat sorpriża b'festin mill-isbaħ organizzat minn bintha l-attriċi bravissima Lara Azzopardi u għadd ta' personalitajiet oħrajn li matul il-karriera tagħha, hi kellha l-opportunità taħdem magħhom.

Lara fuq il-midja soċjali fissret kif dan il-festin iċċelebra mhux biss il-karriera ta' 48 sena li ommha kellha fejn fiha rat id-dinja tal-ispettaklu tinbidel ta' taħt fuq, iżda wkoll "il-mara straordinarja u maħbuba minn ħafna li hemm" wara tant programmi li ttellgħu tul is-snin.

Nawguraw lill-preżentatriċi Angela Agius kull saħħa u hena fil-futur.

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

Issa

Il-Plejers Ingliżi Jagħtu L-Ħlas Tagħhom Għall-Partiti Tat-Tazza Tad-Dinja Lill-Karità

Cristian Tonna Ilbieraħ

Għal kull partita li jieħdu sehem fiha, il-plejers Ingliżi jitħallsu madwar €2,300. Abbażi ta’ inizjattiva li kienet bdiet lura fl-2007 u għadha għaddejja sal-lum il-ġurnata, il-plejers tat-tim nazzjonali Ingliż jagħżlu li jagħtu dan il-ħlas lill-karità.Fil-fatt, mill-2007 ‘l hawn irnexxielha tinġabar is-somma sostanzjali ta’ €15-il miljun permezz ta’ din l-inizjattiva. Din is-somma matul is-snin intużat sabiex […]