Ixxerja

Is-Sindku tas-Swieqi ħabbar li għall-ewwel darba f'xahrejn ma wasal l-ebda rapport jew ilment relatat mal-inkonvenjenzi fil-lokalità, u ddeskriva dan bħala sinjal ċar li l-isforzi konġunti qed jagħtu l-frott.

Huwa qal li din il-bidla seħħet għax il-vuċi tal-Kunsilli Lokali fl-aħħar instemgħet. Spjega li wara snin ta’ pressjoni u talbiet kontinwi, ittieħdu passi konkreti li qed jagħmlu differenza fil-kwalità tal-ħajja tar-residenti.

Is-Sindku saħaq li meta l-kunsill, ir-residenti u l-awtoritajiet jaħdmu flimkien, ikun possibbli li tinkiseb bidla reali u pożittiva. Żied li l-kontabbiltà se tkun essenzjali biex dawn ir-riżultati ma jkunux biss temporanji, iżda jibqgħu fis-seħħ fit-tul.

Huwa rringrazzja lill-Korp tal-Pulizija għall-ħidma kontinwa tiegħu, kif ukoll lill-uffiċjali tal-Awtorità Maltija għat-Turiżmu (MTA) għall-ispezzjonijiet li qed iwettqu fuq proprjetajiet ta’ kiri għal żmien qasir biex jiżguraw li qed joperaw skont il-liġi.

Fl-aħħar nett, tenna li l-Kunsill Lokali wiegħed li jqiegħed lir-residenti l-ewwel, u sostna li din il-wegħda qed titwettaq b’azzjonijiet konkreti.

Ixxerja

Miktub Minn

Matthea Grech

Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.

Artikli Ricenti

“L-Annimali Jistgħu Jagħmlu Differenza Kbira Fil-Ħajja Ta’ Persuni Bl-Awtiżmu – Is-Segretarju Parlamentari Responsabbli…

Matthea Grech Illum

Alcia Bugeja Said qasmet messaġġ dwar l-importanza tal-annimali u kif dawn jistgħu jkollhom impatt pożittiv fuq il-ħajja ta’ persuni bl-awtiżmu. Hija spjegat kif il-pet therapy tista’ tkun għodda ta’ għajnuna kbira, mhux biss bħala attività rikreattiva, iżda wkoll bħala mezz biex jiġu żviluppati ħiliet soċjali u emozzjonali.Permezz tal-interazzjoni mal-klieb, persuni bl-awtiżmu jistgħu jsaħħu l-kunfidenza tagħhom, […]