Ixxerja

Il-Kulleġġ San Albert Il-Kbir sellem u feraħ lill-istudent tiegħu Peter Carabott, li bħalissa qed jagħti servizz bħala abbati fil-Bażilika ta' San Pietru, fil-Vatikan, ġewwa Ruma. Permezz ta' messaġġ fuq il-midja soċjali, il-kulleġġ esprima s-sodisfazzjon u l-kburija tiegħu għal din l-esperjenza speċjali li Peter qed iservi f'wieħed mill-aktar postijiet importanti għall-Knisja Kattolika.

"Nawguraw mill-qalb lill-istudent tal-Kulleġġ tagħna Peter Carabott, li bħalissa qed jagħti servizz bħala Abbati fil-Bażilika ta' San Pietru, fil-Vatikan ġewwa Ruma, nifirħulu u nitolbu għalih," kiteb il-kulleġġ. Li wieħed iservi bħala abbati fil-Bażilika ta' San Pietru huwa meqjus bħala privileġġ u esperjenza unika, hekk kif din il-bażilika hija ċ-ċentru spiritwali tal-Knisja Kattolika u tilqa' fiha eluf ta' pellegrini u viżitaturi minn madwar id-dinja.

Minn naħa tagħna, nawguraw lil Peter Carabott kull ġid u nittamaw li din l-esperjenza tkompli ssaħħaħ il-vokazzjoni u l-impenn tiegħu fis-servizz lejn il-Knisja.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

“Bħal-Lum Sitt Snin Ilu Seħħ L-Inċident Sfortunat Ta’ Enzo. Kien Il-Bidu Tal-Vjaġġ Tiegħu Lejn Il-Kalvarju.” – Carmen…

Kyle Zarb Illum

Sitt snin wara l-inċident serju li biddel il-ħajja tal-mibki Enzo Gusman, martu Carmen Gusman qasmet messaġġ, fejn fakkret fil-jum li mmarka l-bidu ta’ żmien ta’ tbatija għalih u għall-familja tiegħu.Fuq il-midja soċjali, Carmen kitbet li sitt snin ilu kien il-bidu “tal-vjaġġ tiegħu lejn il-Kalvarju” li dam 18-il xahar. Hi ddeskriviet dak il-jum bħala wieħed li […]