Ixxerja

Passiġġier ta' Ryanair li kważi nġibed barra minn tieqa tal-ajruplan wara li din tkissret waqt titjira sostna li l-unika offerta li rċieva mingħand il-linja tal-ajru kienet li jerġa' jibbukkja t-titjira tiegħu.

Ljubisa Karović, ta' 61 sena, sofra ġrieħi f'għonqu u f'ispallejh meta tieqa fuq titjira Malta Air operata minn Ryanair bejn Thessaloniki u Memmingen nkisret ftit wara t-tluq fl-10 ta' Lulju. Martu u passiġġieri oħra rnexxielhom jiġbduh lura ġewwa l-ajruplan.

Karović qal lil Daily Mail li sa issa ma rċieva l-ebda telefonata mingħand Ryanair, iżda biss emails mibgħuta lil ibnu biex jistaqsu jekk iridx jerġa' jibbukkja t-titjira u kif kien qed iħossu.

Martu allegat ukoll li l-ekwipaġġ ma intervjeniex waqt l-inċident, allegazzjoni li Ryanair ċaħdet, filwaqt li insistiet li l-ekwipaġġ aġixxa b'mod professjonali u baqa' f'kuntatt mal-familja.

L-ajruplan irritorna b'mod sigur lejn Thessaloniki, filwaqt li l-inċident għadu qed jiġi investigat mill-US National Transportation Safety Board (NTSB).

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Illum Huwa Magħruf Bħala L-Jum Dinji Tal-Konservazzjoni Tan-Natura

Kyle Zarb Illum

Illum niċċelebraw il-Jum Dinji tal-Konservazzjoni tan-Natura, li jfakkarna fl-importanza li nipproteġu l-ambjent u l-bijodiversità għal ġenerazzjonijiet futuri.F’Malta, il-konservazzjoni tan-natura tfisser azzjonijiet konkreti biex jiġu restawrati u mħarsa l-ekosistemi tagħna. Permezz tal-ħidma tal-ERA, b’kollaborazzjoni ma’ diversi stakeholders, qed jitwettqu proġetti li jinkludu r-restawr tad-duni tar-ramel, it-tħawwil ta’ mijiet ta’ speċi ta’ pjanti indiġeni, ir-riabilitazzjoni ta’ artijiet […]