Ixxerja

Ir-rebbieħa tal-Malta Eurovision fl-2025 Miriana Conte ngħaqdet mal-artist żagħżugħ Mychael Bartolo Chircop li rajnieh jikseb it-tielet post fil-Malta Eurovision tal-2026 għal kollaborazzjoni ġdida bl-isem What The Helena?, li ħarġet uffiċjalment illum, 7 ta’ Awwissu.

Il-kanzunetta kienet disponibbli fuq il-pjattaformi tal-istreaming f’nofsillejl, u ż-żewġ artisti għażlu mod partikolari biex jippreżentawha lill-pubbliku. Mal-ħruġ tagħha, Miriana u Mychael dehru f’poster ispirat minn ritratt ta’ arrest, fejn it-tnejn qed iżommu tabella bil-kliem 'Caught in a Helenationship.'

What The Helena? tgħaqqad l-istili distintivi taż-żewġ kantanti fi produzzjoni enerġetika u mexxejja, filwaqt li turi aspett differenti tal-karrieri tagħhom. Il-kanzunetta hija xogħol iż-żewġ artisti flimkien ma' Matthew Muxu Mercieca u Peter Borg.

Miriana Conte kompliet tibni fuq is-suċċess u l-esperjenza li kisbet fix-xena mużikali Maltija u internazzjonali, filwaqt li Mychael Bartolo Chircop qed ikompli jagħmel isem għalih bħala wieħed mill-artisti żgħażagħ emerġenti fix-xena lokali. Din il-kollaborazzjoni tlaqqa’ flimkien żewġ artisti minn stadji differenti tal-karriera tagħhom, iżda b’enerġija mill-aqwa!

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Spettaklu

Kont Taf Li Tista’ Tilgħab Moħħok Hemm Online? – Pruvaha!

Kyle Zarb Ilbieraħ

Il-programm Moħħok Hemm tista’ tgħid li ġibed udjenza enormi bit-telespettaturi Maltin u Għawdxin ikunu ħerqanin biex isegwu serata kompetittiva oħra mit-Tnejn sal-Ġimgħa.Dan huwa programm li jirnexxielek anke titgħallem minnu b’diversi mistoqsijiet relatati ma’ għarfien ġenerali. Issa m’għandekx għalfejn tistenna x-xandira televiżiva biex tgħix dan l-element kompetittiv ta’ Moħħok Hemm, hekk kif tista’ tidħol fis-sit moħħokhemm.mt […]