Ixxerja

Ġest sempliċi iżda sabiħ minn Pulizija waqt xogħlu ġewwa l-Mosta ġibed l-attenzjoni ta’ Carlos Farrugia, li ddeċieda li jaqsam pubblikament dak li ra.

Carlos spjega li dalgħodu kien qed iqatta’ ftit ħin il-Monti tal-Mosta mat-tifla u man-neputija tiegħu, meta nnota l-mod ġentili u uman li bih dan il-Pulizija kien qed jaqdi dmiru.

Minbarra li kien preżenti biex jgħin iżomm ambjent sigur għal dawk kollha li kienu hemm, il-Pulizija kien qed jieħu l-ħin tiegħu biex jitkellem man-nies, jistaqsihom kif inhuma u jiċċajta mat-tfal. Saħansitra kien qed jilgħab magħhom u jieħu ritratti magħhom. Skont Farrugia, dawn il-ġesti żgħar jistgħu jagħmlu differenza kbira fil-komunità u jgħinu biex in-nies iħossuhom aktar qrib il-korp tal-pulizija.

Carlos temm il-messaġġ tiegħu billi feraħ lill-Pulizija u rringrazzja lill-Korp tal-Pulizija ta’ Malta għax-xogħol u s-servizz tiegħu: “Il-qadi tad-dmir b’rispett, tbissima u qalb tajba dejjem jistħoqqlu jiġi apprezzat. Bravissimu!” 

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Illejla Shezneia Attard Se Tirrakkonta L-Istorja Tagħha Waqt ‘Sajf Ma’Gaffiero’ 

Eileen Cumbo Salerno Illum

Shezneia Attard, it-tfajla ta’ 13-il sena li kitbet ktieb b’risq Puttinu Cares, illejla se tkun mistiedna għal intervista waqt il-programm Sajf Ma’Gaffiero.Illum Gaffiero, fuq il-paġna uffiċjali Ma’Gaffiero esprima l-ħerqa tiegħu biex jitkellem ma’ Shezneia u ddeskrivieha bħala tfajla brava. Minkejja l-età żgħira tagħha, Shezneia diġà spikkat għall-inizjattiva sabiħa tagħha li permezz tagħha għażlet li tuża l-kitba […]