Ixxerja

Illum Brother Edward qed jiċċelebra għeluq sninu! Hu twieled fis-16 t’Awwissu tal-1924 u b’hekk illum għalaq 102 sena! Il-paġna tal-Facebook tal-Kullepp De La Salle kitbet messaġġ mill-isbaħ t’awguri.

“Illum, il-Komunità Lasalljana kollha tingħaqad b’qalb mimlija gratitudni biex tawgura lil Brother Edward l-isbaħ xewqat f’għeluq il-102 sena tiegħu!” huma kitbu.

“Għal aktar minn seklu, Brother Edward kien xhud ta’ ħajja ta’ fidi, servizz, dedikazzjoni u mħabba lejn l-oħrajn. Is-saħħa kalma tiegħu, l-umiltà u l-impenn sod lejn il-missjoni Lasalljana jkomplu jispiraw lill-ġenerazzjonijiet. Fl-età ta’ 102 snin, l-istorja tiegħu mhijiex sempliċiment waħda ta’ snin, iżda ta’ ħajja li messet għadd bla għadd ta’ qlub u għenet biex issawwar il-familja Lasalljana tagħna.”

“F’isem il-Brothers, l-istaff, l-istudenti, l-eks studenti u l-Komunità Lasalljana usa’: Awguri għal għeluq il-102 sena, Brother Edward! Jalla Alla jkompli jbierkek bil-paċi, bil-ferħ u b’saħħa tajba. L-eżempju tiegħek ikompli jispira lill-ġenerazzjonijiet.”

Ixxerja

Miktub Minn

Bernard Xuereb

Apparti l-interess kbir għall-ikel u tisjir vegan, Bernard iħobb ħafna l-qari. Għalkemm il-lingwa Maltija tibqa’ fl-ewwel post, iħobb jitgħallem lingwi ġodda bħal Ġappuniż. Jaffaxxina ruħu bil-kulturi u l-istorja, u għandu mħabba kbira lejn l-ambjent u l-annimali.

Artikli Ricenti

Illum Il-Kanzunetta Popolari ‘Dancing Queen’ Tal-ABBA Tagħlaq 50 Sena!

Bernard Xuereb Illum

Ħamsin sena ilu, il-grupp Żvediż tal-mużika pop ABBA ħareġ is-single ‘Dancing Queen’. Din il-kanzunetta laħqet l-ewwel post fil-klassifiki ta’ 15-il pajjiż, mill-Awstralja sal-Istati Uniti, u min-Norveġja sal-Afrika t’Isfel.Ħames deċennji wara, għadha tinstema’ ta’ spiss fuq ir-radju, tindaqq fil-clubs u bars, titkanta b’entużjażmu fuq il-palk, titkanta waqt xi karaoke, u tintuża għaż-żfin fir-riċevimenti tat-tiġijiet.‘Dancing Queen’ hija […]