Ixxerja

Is-Servizz Pubbliku tefa’ dawl fuq ix-xogħol ta’ Maria Daniela Camilleri, li taħdem bħala Uffiċjal tal-Informazzjoni fi ħdan id-Dipartiment tal-Informazzjoni. Maria Daniela tiddeskrivi r-rwol tagħha bħala wieħed varjat u dinamiku, fejn parti minn xogħolha tinvolvi kuntatt dirett mal-pubbliku, twieġeb mistoqsijiet u tidderieġi lin-nies lejn id-dipartimenti li jkunu jistgħu jgħinuhom.

Parti importanti oħra minn xogħolha hija marbuta mal-arkivji. Flimkien mal-kollegi tagħha, hi taħdem fuq ritratti u filmati li jmorru lura għas-snin sittin u sebgħin, bil-għan li jinbnew rekords uffiċjali tal-materjal miżmum fl-arkivji tad-Dipartiment tal-Informazzjoni.

Permezz tar-riċerka tagħha, Maria Daniela tgħin ukoll lit-tim tal-mezzi soċjali biex jaqsam mal-pubbliku ritratti storiċi li jqajmu interess u nostalġija. Dwar is-sodisfazzjon li tieħu minn xogħolha, hi tgħid li l-fatt li kontinwament tkun qed tirriċerka u tgħin lill-pubbliku jfisser li dejjem tibqa’ titgħallem.

“Jgħaddu kemm jgħaddu ġranet, ta’ kuljum dejjem titgħallem xi ħaġa ġdida,” temmet tgħid.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

“Daħal Fi Ħdan Il-Missier” – Tħabbret Il-Mewt Ta’ Patri Leonard Falzon OFMCap Mill-Kapuċċini

Emil Calleja Bayliss Illum

Il-Kapuċċini ħabbru b’diqa l-mewt ta’ Patri Leonard Falzon OFMCap, hekk kif sellmu l-memorja tiegħu permezz ta’ messaġġ fuq il-mezzi soċjali. “B’dispjaċir ħuna Patri Leonard Falzon OFMCap daħal fi ħdan il-Missier,” kitbu l-Kapuċċini fit-tħabbira tagħhom. Huma appellaw ukoll għat-talb għal Patri Leonard sabiex il-Mulej jilqgħu fi ħdanu. “Nitolbu għal dan ħuna, biex il-Mulej jilqgħu fi ħdanu,” […]