Infrastructure Malta ħabbret li se tibda xogħlijiet infrastrutturali f’diversi toroq f’Ħ'Attard, b’dawn ix-xogħlijiet mistennija jibdew minn nhar it-Tnejn, 24 ta’ Awwissu 2026.
Ix-xogħlijiet se jsiru fi Triq il-Kampanella, Triq il-Passulina, Triq l-Għenba u Triq Ġanni Portelli.
Skont l-avviż maħruġ minn Infrastructure Malta, ix-xogħlijiet se jinkludu tħaffir u installazzjoni ta’ servizzi, xogħlijiet fuq il-bankini, kif ukoll scarifying u bini mill-ġdid tal-istruttura tat-triq.
Jekk ix-xogħlijiet jimxu skont il-pjan u ma jkunx hemm interruzzjonijiet jew ċirkostanzi mhux previsti, huma mistennija li jitlestew kompletament sa nhar il-Ħamis, 18 ta’ Marzu 2027.
Infrastructure Malta talbet lill-pubbliku għall-paċenzja u l-kooperazzjoni tiegħu matul il-perjodu li fih se jkunu għaddejjin dawn ix-xogħlijiet infrastrutturali.
Is-sewwieqa u r-residenti taż-żoni affettwati huma għalhekk mistiedna jieħdu nota tal-bidliet li jistgħu jsiru fit-toroq matul il-perjodu tax-xogħlijiet u jsegwu s-sinjali u d-direzzjonijiet temporanji li jitwaħħlu fiż-żona.
