Ixxerja

Illum, 19 ta’ Awwissu, infakkru għeluq snin l-attur Matthew Perry, li kieku llum kien jagħlaq 57 sena.

Matthew Perry jibqa’ magħruf u maħbub madwar id-dinja l-aktar għall-irwol tiegħu ta’ Chandler Bing fis-sensiela popolari Friends. Bil-mod uniku tiegħu kif iwassal l-umoriżmu, is-sarkażmu u l-karattru li jġiegħlek titbissem tiegħu, Chandler sar wieħed mill-aktar karattri memorabbli tas-sensiela.

Perry twieled fid-19 ta’ Awwissu tal-1969 u Friends wasslitu għal fama internazzjonali flimkien ma’ Jennifer Aniston, Courteney Cox, Lisa Kudrow, Matt LeBlanc u David Schwimmer. Għalkemm is-sensiela ntemmet fl-2004, il-karattru tiegħu baqa’ marbut ma’ ġenerazzjonijiet ġodda ta’ telespettaturi sal-lum.

Sfortunatament, Matthew Perry ħalliena fit-28 ta’ Ottubru tal-2023 fl-età ta’ 54 sena. Il-mewt tiegħu ħasdet lil miljuni ta’ segwaċi madwar id-dinja li kienu kibru jarawh fuq l-iskrin. Illum, f’għeluq sninu, il-memorja tiegħu tibqa’ ħajja permezz tax-xogħol li ħalla warajh u l-mod kif kien jirnexxilu jferraħ lit-telespettaturi.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Aħbar Tajba Għal Guilherme – Ir-Riżultat Tal-MRI Juri Li Huwa Stabbli 

Eileen Cumbo Salerno Illum

Aħbar pożittiva waslet mingħand Guilherme’s Journey of Hope, hekk kif wara l-istennija għar-riżultat tal-MRI, ġie żvelat li r-riżultat huwa stabbli. Aktar kmieni matul il-ġurnata, fuq il-paġna ta’ Guilherme kien tpoġġa filmat li fih intqal: “Qed inkellimkom. Grazzi ta’ kemm tieħdu ħsiebi. Illum nistennew ir-riżultat tal-MRI…”Ftit sigħat wara waslet l-aħbar li tant kienu qed jistennew, hekk kif ġie kkonfermat […]