Ixxerja

Minn mument ta’ niket ħareġ ġest  tassew sabiħ ta’ solidarjetà, hekk kif il-memorja ta’ Redeemer Grima ġiet imfakkra permezz ta’ donazzjoni kbira lill-Association for Abandoned Animals (AAA).

Redeemer kien tilef ħajtu traġikament fl-età ta’ 41 sena. Waqt il-funeral tiegħu, il-familja u l-ħbieb ingħaqdu flimkien sabiex jinġabru l-fondi b’tifkira tiegħu. Dawn il-fondi wasslu għal donazzjoni kbira ta’ ikel għall-klieb li ngħatat lill-AAA, sabiex tgħin lill-annimali li jinsabu taħt il-kura tagħhom.

“X’mod sabiħ kif tonoraw il-memorja tiegħu,” kitbet l-assoċjazzjoni kif ukoll irringrazzjat lil dawk kollha involuti. L-AAA wasslet ukoll il-kondoljanzi tagħha lill-familja ta’ Redeemer, b’mod partikolari lil ommu u lil ħutu bniet, li skonthom ilhom jagħtu l-għajnuna tagħhom bħala voluntiera, l-aktar billi jiġbru affarijiet bħal friex u provvisti għall-klieb fix-xelter.

B’hekk, f’mument daqstant diffiċli għall-qraba u l-ħbieb tiegħu, il-memorja ta’ Redeemer qed tkompli tagħmel il-ġid u tgħin lil dawk l-annimali  kollha li jinsabu fil-bżonn.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Il-Kantanta Mia Lanzon Toħroġ L-Ewwel Kanzunetta Tagħha Wara S-Suċċess Li Kisbet F’The Voice Kids

Cristian Tonna Illum

Wara s-suċċess li kisbet fit-tieni staġun ta’ The Voice Kids billi rnexxielha tasal sal-fażi finali tal-kompetizzjoni, il-kantanta żagħżugħa Mia Lanzon issa għadha kif ħarġet l-ewwel kanzunetta tagħha li ġġib l-isem ‘Forevermore’. Il-kanzunetta, li hi miktuba u prodotta minn Mia stess bil-għajnuna ta’ Gillian Attard kif ukoll Cyprian Cassar, iġġorr messaġġ importanti u pożittiv; tkun kemm […]