Il-plejer tal-futbol ta’ fama globali, Lionel Messi, ħabbar li se jirtira mill-futbol internazzjonali. Ħabbar dan permezz ta’ messaġġ emozjonanti fuq il-paġna tiegħu ta’ Facebook u Instagram.
Hu kiteb, “Wara dan iż-żmien kollu minn l-aħħar logħba, u wara ħafna riflessjoni, nixtieq inħabbar li ddeċidejt nirtira milli nilgħab mat-tim nazzjonali. Kienet deċiżjoni li tweġġa’ u se tibqa’ tweġġgħani għal dejjem, imma nirrealizza li wasal iż-żmien. Naħlef li dejjem tajt dak kollu li stajt, mhux biss matul dawn l-aħħar snin fejn irnexxielna nagħmlu kollox, imma anke qabel. Dejjem iġġilidt u tajt kollox għal dan il-flokk, biex nagħmilkom ferħanin u kburin.”
Spiċċa l-messaġġ tiegħu billi qal, “Grazzi tal-imħabba kollha matul dawn l-għoxrin sena. Se nimmissja nisma leħinkom mill-istadium, u issa se nsir wieħed minnkom, nagħti s-sapport lit-tim nazzjonali minn fuq barra, fiż-żminijiet tajbin u dawk ħżiena, imma speċjalment fi żminijiet diffiċli.”
Huwa plejer li ħalla mpatt kbir fuq id-dinja tal-futbol, u żgur se jibqa' mfakkar bħala wieħed mill-aqwa.
Facebook / Leo Messi
