Ixxerja

L-artista Maltija tat-teatru mużikali u żeffiena Marianna Micallef, magħrufa sew lokalment għall-parteċipazzjoni tagħha fil-programm popolari Brillanti Dance, laħqet tragward internazzjonali mill-aqwa fil-karriera tagħha hekk kif telgħet fuq il-palk prestiġjuż tar-Royal Albert Hall f’Londra bħala parti mill-BBC Proms 2026.

View this post on Instagram

A post shared by BBC Radio 3 (@bbcradio3)

Wara li ggradwat riċentament mill-akkademja rinomata Bird Conservatoire, Micallef kienet parti mill-ispettaklu grandjuż Alan Menken's Music for Disney, serata maħsuba biex tiċċelebra x-xogħlijiet ikoniċi tal-kompożitur leġġendarju ta' Disney. Dan l-impenn wasal wara sajf impenjattiv immens, fejn f'Awwissu serviet bħala dance captain fil-produzzjoni ta' West Side Story man-National Youth Music Theatre fil-Birmingham Hippodrome.

Fuq il-palk tar-Royal Albert Hall, Marianna ingħaqdet man-National Youth Music Theatre u kienet spalla ma' spalla ma' stilel internazzjonali bħal Stewart Clarke, Ben Forster, Lucie Jones, Sam Oladeinde, Celinde Schoenmaker u Marisha Wallace, akkumpanjati mill-orkestra mill-aqwa tal-BBC Philharmonic Orchestra taħt id-direzzjoni ta' Sarah Hicks.

Dwar din l-esperjenza memorabbli, fuq il-midja soċjali tagħha, Marianna stqarret li dan huwa biss l-ewwel pass u mhux id-destinazzjoni finali, hekk kif tinsab determinata li tkompli bit-taħriġ tagħha u tiffoka bis-sħiħ biex tistabbilixxi postha fl-aqwa industrija tat-teatru mużikali fir-Renju Unit.

Nawgurawlek kull suċċess Marianna!

Ixxerja

Miktub Minn

Bradley Zerafa

Bradley huwa kittieb integrat bis-sħiħ fil-qalba tax-xena tad-divertiment lokali. B’għajn esperta għad-dettall u passjoni kbira għall-istejjer, huwa jispeċjalizza fl-analiżi tal-aħħar aħbarijiet tat-televiżjoni Maltija, ix-showbiz, u l-kultura pop. Minn ħsibijiet esklussivi sa dawk il-mumenti kulturali li kulħadd ikun qed jitkellem dwarhom, Bradley iwassal l-istejjer li jżommu l-udjenza lokali infurmata u mpenjata.

Spettaklu

Ema Tirrakkonta Parti Mill-Istorja Tagħha Fis-Single L-Ġdida ‘IMĦABBA’

Gwida.mt Ilbieraħ

Ema għadha kemm nediet is-single l-ġdid tagħha IMĦABBA, kanzunetta mill-aktar personali li teħodha lura lejn tfulitha u lejn vjaġġ immarkat minn tfittxija, xewqat u, eventwalment, is-sejba tal-imħabba li għal tant żmien xtaqet f’ħajjitha.B’mużika ta’ Philip Vella, kliem ta’ Emil Calleja Bayliss u produzzjoni ta’ Sean Vella, IMĦABBA titkellem dwar ix-xewqa għal familja, sens ta’ appartenenza […]