F’Għawdex, il-Pride March reġa’ serva bħala mument ta’ ċelebrazzjoni, iżda wkoll bħala tfakkira tal-importanza li kull persuna tkun tista’ tgħix ħajjitha bil-libertà u d-dinjità.
Il-Ministru għall-Ugwaljanza u d-Drittijiet Ċivili, Rosianne Cutajar, qasmet filmat mill-Pride March f’Għawdex u kitbet messaġġ li jiffoka fuq id-diversità, l-ugwaljanza u l-aċċettazzjoni. Il-Gozo Pride ta’ din is-sena kellu bħala tema “Pride Without Permission”, b’messaġġ favur id-dritt li wieħed ikun hu nnifsu mingħajr biża’ ta’ diskriminazzjoni jew esklużjoni.
“Pride Without Permission” tfakkarna li ħadd m’għandu bżonn il-permess biex ikun hu nnifsu, iħobb u jgħix ħajtu b’libertà u b’dinjità, kitbet Cutajar. Hija saħqet ukoll, li l-ugwaljanza mhijiex privileġġ, iżda dritt ta’ kulħadd, filwaqt li appellat biex jibqa’ jkun hemm smigħ, appoġġ u azzjoni konkreta favur aktar ugwaljanza.
Messaġġ li jqajjem mistoqsija sempliċi iżda importanti: Kemm hi importanti għalik is-soċjetà li fiha kulħadd iħossu liberu li jkun hu nnifsu?
Facebook/Rosianne Cutajar
