Ixxerja

Hekk kif f’dawn il-ġranet qed jiġu ċċelebrati bosta festi tradizzjonali madwar Malta, fosthom dawk iddedikati lil Sidtna Marija tal-Vitorja, fl-Isla ġie mwaqqaf rekord nazzjonali ġdid li qed jagħti ġieħ lit-tradizzjoni u lill-festa Maltija.

Kif irrappurtat minn The Malta Records, dan ir-rekord huwa għall-akbar pavaljun tad-dawl f’forma ta’ ark, magħmul mill-PVC u armat apposta għall-festa ta’ Belt jew raħal. Il-pavaljun impressjonanti huwa wiesa’ 27 pied, jiġifieri 8.2 metri, u għoli 21.75 pied, jew 6.6 metri.

Dak li jagħmel dan il-pavaljun saħansitra aktar straordinarju huma l-2,168 bozza li jżejnuh, u li jagħtu dehra spettakolari lil waħda mit-toroq prinċipali ta’ Città Senglea.

Ir-rekord nazzjonali l-ġdid ġie mwaqqaf mill-Kummissjoni Festa Esterna Marija Bambina Isla, filwaqt li l-pavaljun ġie rrealizzat fuq disinn tal-artist Darren Darmanin.

Dan ix-xogħol sabiħ jista’ jitgawda minn dawk kollha li qed jattendu l-festa f’dawn il-ġranet, u dan ikompli juri kemm it-tradizzjoni tal-festi Maltin tibqa’ ħajja u tkompli tikber.

Għalhekk, nawguraw il-kumplament tal-festa t-tajba lis-Sengleani kollha!

Ixxerja

Miktub Minn

Matthea Grech

Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.

Gossip

Seba’ Snin Minn Meta Enrica Għaddiet Għall-Ħajja Ta’ Dejjem – Il-Membru Parlamentari Paula Mifsud Bonnici Ssellem…

Matthea Grech Illum

Għaddew seba’ snin minn meta l-familja ta’ Enrica kellha tgħidilha addiju, iżda għal dawk li baqgħu jħobbuha, iż-żmien ma jidhirx li jnaqqas in-nuqqas tagħha.F’jum li jfakkar il-memorja tagħha, l-MP Paula Mifsud Bonnici, qasmet messaġġ mill-qalb dwar in-neputija sabiħa tagħha, Enrica, li seba’ snin ilu ħalliet din id-dinja.Mifsud Bonnici tistqarr, li minkejja l-mogħdija tas-snin, għad hemm […]