Ixxerja

Is-Surmast Lelio Spiteri qasam riflessjoni pożittiva mas-segwaċi tiegħu fuq il-midja soċjali, fejn tkellem dwar il-mod kif jagħżel li jħares lejn il-ħajja u lejn l-isfidi li din iġġib magħha.

“Jien bniedem ottimist. Nipprova nkun dejjem pożittiv,” beda billi kiteb, filwaqt li rrikonoxxa li dan mhux dejjem faċli, hekk kif il-ħajja kapaċi toffri minn kollox. Spiteri spjega li jippreferi jkun imdawwar b’persuni pożittivi, li jħobbu jitbissmu u jidħku, filwaqt li jipprova jżomm ’il bogħod min-negattività u l-enerġija li ma żżid xejn sabiħ fil-ħajja.

Fil-messaġġ tiegħu ħeġġeġ ukoll lil ħaddieħor biex ma jaqtax qalbu, hekk kif jemmen li permezz tal-isforz, il-kuraġġ, ir-rieda u d-determinazzjoni, wieħed jista’ jagħmel ħajtu aħjar.

Huwa temm l-argument billi awgura kull ġid lis-segwaċi tiegħu permezz tal-messaġġ “Nixtieqlek ħafna saħħa u ħafna ferħ.”

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Din Hija Mel B – Qattusa Ta’ Tmien Ġimgħat Li Qed Tfittex Familja Li Tagħtiha Ċans Ġdid 

Eileen Cumbo Salerno Illum

Mel B, qattusa ċkejkna ta’ tmien ġimgħat biss, qed tfittex familja li lesta tagħtiha l-ħin, is-sigurtà u l-imħabba li tant għandha bżonn.Minkejja l-ħarsa ħelwa tagħha u dawk l-għajnejn ħodor kbar, il-bidu ta’ ħajjitha ma kienx wieħed faċli. Sfortunatament Mel B, flimkien ma’ ħutha, kellha esperjenzi koroh mal-umani meta kienet għadha ferm żgħira u għalhekk għadha […]