F’dak li jista’ jitqies bħala waħda mill-aktar kompetizzjonijiet mhux tas-soltu, il-Ġappun qed jorganizza sfida li fiha l-irqad jista’ jwassal għal premju kbir ta’ €14,000.
Il-kunċett huwa sempliċi iżda fl-istess ħin pjuttost kurjuż: il-parteċipanti jridu jippruvaw jorqdu kemm jista’ jkun tajjeb, filwaqt li jiġu evalwati skont il-prestazzjoni tagħhom waqt l-irqad.
Għal ħafna nies, li wieħed jieħu raqda tajba wara ġurnata twila huwa diġà premju fih innifsu. Din id-darba iżda, jidher li hemm raġuni oħra biex wieħed jagħlaq għajnejh u jħalli l-imħadda tagħmel xogħolha.
Il-kompetizzjoni qed tqajjem ukoll kurżità dwar kemm hu importanti l-irqad għall-ħajja ta’ kuljum u għall-benesseri. U min jaf? Forsi għal xi wħud, din tkun l-unika kompetizzjoni li fiha m’hemmx għalfejn jiġru, jaqbżu jew jistinkaw... iżda sempliċement jorqdu!
Intom kontu tidħlu f’kompetizzjoni bħal din kieku kellha ssir Malta?
