Ixxerja

Għal Kate, kull darba li tkun Għawdex, hemm post li ma tistax ma żżurx qabel titlaq. Dan huwa s-Santwarju tal-Madonna Ta’ Pinu, post li matul il-vjaġġ tagħha sar ferm aktar minn sempliċi destinazzjoni.

Fuq il-paġna Kate:Writing My Story, Kate qasmet kemm dan il-post għandu tifsira speċjali għaliha u għall-familja tagħha. Hawnhekk jieqfu għal ftit, jitolbu, jirringrazzjaw il-Madonna għal kull pass ’il quddiem u jitolbu wkoll għas-saħħa u l-protezzjoni għal dak kollu li għad irid jiġi.

Il-vjaġġ ta’ Kate ma kienx wieħed faċli. Trattamenti, terapiji, operazzjonijiet u sfidi differenti kienu parti minn triq li talbet ħafna saħħa u kuraġġ. Minkejja kollox, il-fidi u t-tama baqgħu magħha. Kate tħares lejn il-Madonna ta’ Ta’ Pinu bħala għajn ta’ saħħa, waqt li tkompli timxi ’l quddiem, pass pass.

Għaliha, żjara Għawdex ma tkunx kompluta mingħajr waqfa f’dan il-post għażiż. Inti tagħmel bħal Kate meta tmur Għawdex?

Ixxerja

Miktub Minn

Matthea Grech

Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.

Lifestyle

Minkejja D-Dulur Kbir, Il-Familja Galea Għażlet Li Tħalli Ġest Ta’ Mħabba F’Isem Chris

Matthea Grech Illum

F’mument ta’ telf u niket kbir, kultant il-ġenerożità ssir waħda mill-isbaħ modi kif tibqa’ tgħix l-imħabba lejn persuna li tkun telqet.Bjorn Formosa qasam messaġġ li jmiss il-qalb dwar il-familja Galea, li tilfet lil Chris minħabba l-marda ta’ Huntington’s.Il-familja, li bħalissa għaddejja minn żmien ta’ dieqa kbira, għażlet li tagħmel donazzjoni minkejja t-telf li għadha qed […]