Ixxerja

Jidher li t-tbassir għal ċans ta’ xita lokalizzata beda jseħħ, hekk kif bħalissa qed jiġu rrappurtati ħalbiet tax-xita f’numru ta’ lokalitajiet Maltin. 

Il-Paġna It-Temp Madwarna ftit tal-ħin ilu rrapportat li qed jinżlu ħalbiet tax-xita lokalizzati fuq is-Siġġiewi, il-Qrendi u Marsaxlokk .Aktar kmieni llum, il-paġna kienet bassret temp ftit imsaħħab b’waqtiet twal xemxin, li jsir pjuttost imsaħħab f’xi nħawi qrib in-nofsinhar ta’ Malta, b’ċans ta’ xita lokalizzata aktar tard matul il-ġurnata.

Iċ-ċans tax-xita għal-lum ingħata bħala 50%, filwaqt li hemm ċans ta’ 30% għal maltemp bir-ragħad.Ir-riħ mistenni jibqa’ ħafif, forza 2 sa 3, l-aktar mill-Majjistral, filwaqt li l-baħar huwa mbassar li jkun ħafif.It-temperatura massima mistennija tilħaq id-29°C, iżda tinħass daqs 32°C, filwaqt li matul il-lejl it-temperatura mistennija tinżel għal 22°C. Minkejja li t-temperaturi għadhom kemxejn għoljin, donnha li x-xita daħlet sew f’dan l-istaġun.

Jidher għalhekk li filwaqt li mhux kulħadd se jara x-xita, f’xi nħawi l-umbrella jaf tkun utli llum! 

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Traġedja Fuq Bajja Ġewwa L-Greċja – Raġel Ta’ 82 Sena Jmut Wara Argument Fuq ‘Sunbed’

Eileen Cumbo Salerno Illum

Argument dwar sunbed fuq bajja popolari fil-Greċja spiċċa fi traġedja bil-mewt ta’ raġel ta’ 82 sena.Il-każ seħħ il-Ħadd filgħodu f’Akti Vouliagmenis, fuq l-Athenian Riviera. Skont informazzjoni mill-awtoritajiet Griegi, ftit qabel l-10am inqala’ argument jaħraq bejn raġel ta’ 76 sena, li kien akkumpanjat minn mara ta’ 21 sena u raġel ta’ 82 sena dwar post fuq […]