Il-kumpanija Borg Cardon Pet Supplies, qasmet messaġġ ħelu bħala tfakkira ta’ tliet snin ilu.
Jingħad li tliet snin ilu l-kumpanija sabet tliet iqtates. Din kienet xi ħaġa li ma kinux qe jistennew iżda riedu jaraw x’se jagħmlu. Il-kumpanija ma kellhiex qalb tħallihom warajha u b’hekk minn dak iż-żmien ‘l hawn, il-ħajja għal dawn il-qtates inbidlet kompletament.
Il-kumpanija kitbet kif wieħed mill-qtates sab ruħu f’dar ta’ familja li laqgħetu bl-imħabba tagħha, filwaqt li ż-żewġt iqtates l-oħra bl-isem ta’ Bond u Cuddles spiċċaw sabu posthom f’binja ta’ din il-kumpanija. Infatti b’mod umorsitiku, l-kumpanija stqarret kif issa, ż-żewġt iqtates ħadu l-post tal-kumpanija f’idejhom. Hija ntroduċiethom bħala: “ kapijiet imqarbin tal-maħżen fejn illum saru parti important mill-ħajja tagħhom.”
Din l-istorja ħelwa hija tfakkira kif ġest żgħir ta’ mħabba lejn l- annimali jista’ jwassal għal snin twal ta’ ferħ, kumpanija u, f’dan il-każ, xi ftit imqarbezza wkoll!
Facebook/ Borg Cardona Pet Supplies
