L-Assoċjazzjoni għall-Annimali Abbandunati tat aġġornament dwar Roy, li għadu kif ħareġ minn operazzjoni.
Huma spjegaw, “Aġġornament ta’ malajr fuq it-tifel gustuż tagħna Roy, li qed jirkupra minn operazzjoni. L-aħbar tajba hi li fiżikament qed jirkupra tajjeb ħafna. Roy qatt ma kien wieħed li jiekol ħafna u bħalissa qed jieħu l-affarijiet bil-mod u jiekol ftit ftit. Imma sejjer tajjeb u kuljum miexi fid-direzzjoni t-tajba.”
Żiedu jgħidu, “Li tfejjaq spirtu miksur jieħu ż-żmien. Minkejja l-imħabba u paċenzja kollha li nagħtuh, Roy jibqa’ jistħi ħafna mill-bnedmin. Qed nagħtuh l-ispazju u l-imħabba kollha li għandu bżonn. Grazzi talli qed iżżommu lil dan it-tifel speċjali fi ħsibijietkom. Ibqa’ ġġieled, Roy!”
Nirringrazzjawhom għad-dedikazzjoni kbira li għandhom għal dawn l-annimali u talli qed jagħtuhom ċans ġdid lil dawn l-annimali innoċenti.
Facebook / Association for Abandoned Animals
