Ixxerja

Il-Kan. Bernard Micallef se jieħu l-pussess bħala kappillan tal-Parroċċa ta’ Marija Annunzjata ta’ Ħal Balzan nhar il-Ħadd, 1 ta’ Novembru 2026. Din l-okkażjoni se tkun immarkata b’quddiesa solenni li tibda fil-5:30 ta’ waranofsinhar fil-knisja parrokkjali ta’ Ħal Balzan.

Il-Parroċċa ta’ Santa Katarina fiż-Żejtun, fejn il-Kan. Micallef kien iservi bħala viċi parroku, wasslitlu l-awguri tagħha permezz ta’ messaġġ ippubblikat fuq Facebook, hekk kif huwa se jibda din il-missjoni pastorali ġdida.

Fl-istess messaġġ, il-parroċċa spjegat li dawk li jixtiequ jattendu għall-quddiesa solenni tal-pussess huma ġentilment mitluba jagħmlu kuntatt mal-membri tal-Azzjoni Kattolika jew mal-uffiċċju parrokkjali.

Il-komunità parrokkjali taż-Żejtun awgurat lill-Kan. Bernard Micallef ministeru pastorali mimli barka filwaqt li wegħditu t-talb tagħha f’dan il-pass ġdid fil-ħidma tiegħu.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

“Wieħed Mill-Missirijiet Tan-Nazzjonaliżmu Malti” – Edwin Vassallo Jfakkar Lil Eks Prim Ministru Ġorġ Borg Olivier

Eileen Cumbo Salerno Illum

F’dan il-jum, 29 ta’ Ottubru, Edwin Vassallo sellem il-memorja ta’ Dr Ġorġ Borg Olivier, l-eks Prim Ministru ta’ Malta, fl-okkażjoni tas-46 sena minn mewtu.F’messaġġ ippubblikat fuq Facebook, Vassallo ddeskrivieh bħala “wieħed mill-missirijiet tan-Nazzjonaliżmu Malti” u fakkar li Borg Olivier kien politiku, avukat u Kapu Prim Ministru li ra l-Indipendenza ta’ Malta bħala għan ewlieni tal-ħidma […]