Kate Tagħmel Pass Ieħor ’Il Quddiem Fil-Vjaġġ Tagħha Mal-iScouts

Kull kisba, żgħira kemm tidher, tista’ taħbi warajha pass kbir ta’ kuraġġ, determinazzjoni u tkabbir. Din id-darba, hija Kate, magħrufa permezz tal-paġna Kate Writing My Story, li għandha għalxiex tifraħ!

Permezz ta’ messaġġ mimli ferħ u entużjażmu, Kate qasmet il-mument speċjali li fih uffiċjalment ħalliet warajha l-grupp tal-Beavers biex issa tagħmel pass ġdid fil-vjaġġ tagħha mal-iScouts, din id-darba bħala Cub.

Għaldaqstant, biex tasal għal dan il-mument, kien għad fadlilha sfida waħda x’tagħmel: taqbeż minn fuq ħabel! Sfida oħra li rnexxielha tgħaddi minnha u li issa saret memorja sabiħa oħra fil-vjaġġ tagħha. Dak li jagħmel din il-kisba tassew sabiħa huwa l-messaġġ li twassal: pass wara pass, sfida wara sfida, dejjem bi tbissima!

Nifirħu lil Kate mill-qalb! Jalla tkompli tikber, tiskopri u tiġbor memorji sbieħ, filwaqt li qatt ma titlef dik id-determinazzjoni li qed turina li kull pass 'il quddiem jistħoqqlu jiġi ċċelebrat.

Ritratt:

Facebook/Kate:Writing My Story

Ixxerja

STEJJER OĦRA

AQRA IKTAR

PARTNERS UFFIĊJALI