Ixxerja

Wara disa’ snin ta’ ħidma, wasal il-mument li l-Kan. Michael Zammit itemm il-missjoni tiegħu bħala Kappillan tal-parroċċa. F’dan il-mument, il-Fratellanza għażlet li tfakkar il-memorji sbieħ u, fuq kollox, tirringrazzjah tal-kontribut li ħalla warajh.

Kien proprju bis-saħħa tal-ħidma tiegħu li l-Fratellanzi tal-parroċċa reġgħu ngħataw il-ħajja, u matul dawn is-snin inħolqu bosta esperjenzi li se jibqgħu għal qalb dawk kollha li għexuhom.Fost il-mumenti importanti hemm iż-żewġ ġemellaġġi ma’ Amalfi u Gricignano, l-introduzzjoni ta’ festi u ċelebrazzjonijiet ġodda, ir-restawr ta’ kwadri, kif ukoll proġetti marbuta mal-armar u t-tiżjin tal-knisja.

Ma jonqsux lanqas il-proġetti kbar li tlestew matul il-parrokat tiegħu, fosthom ix-xogħol fuq l-apside u s-saqaf tal-kor, il-linef il-kbar u l-Festa ta’ Kristu Rxoxt. Għall-Fratellanza, dawn mhumiex biss proġetti u inizjattivi, iżda memorji ta’ snin ta’ kollaborazzjoni, rispett u ħidma flimkien.

Issa, il-komunità tilqa’ lill-Kan. Leonard Mintoff bħala l-Kappillan il-ġdid, filwaqt li lil Kan. Michael Zammit tibqa’ tgħidlu grazzi minn qalbha.

Ixxerja

Miktub Minn

Matthea Grech

Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.

Lifestyle

Sippost Kellha Tiċċelebra L-Gradwazzjoni Tagħha, Iżda Għażlet Li Tkun Maġenb Bintha – Kate: Writing My Story

Matthea Grech Ilbieraħ

Hemm ommijiet li jagħmlu minn kollox għal uliedhom, anke meta dan ifisser li jwarrbu l-ħolm u l-mumenti speċjali tagħhom.Illum kellha tkun ġurnata mill-isbaħ għaliha, wara li kellha tiggradwa b’Master of Education in Inclusive Education. Wara ljieli twal tistudja, xogħol, riċerka u sagrifiċċji, fl-aħħar kellha tasal il-ġurnata li tant kienet ilha taħdem għaliha.Madankollu, ommha ma setgħetx […]