Ixxerja

Aħbar pożittiva dwar Louie, hekk kif grazzi għall-ġenerożità ta’ dawk kollha li taw id-donazzjoni tagħhom, issa nġabru biżżejjed fondi biex isirlu l-intervent li għandu bżonn. Francesca Galea qasmet dan l-aġġornament fuq il-midja soċjali, fejn irringrazzjat lil kull min għen u kkontribwixxa s’issa.

"Grazzi għall-qalb tajba u d-donazzjonijiet tagħkom, ġbarna biżżejjed fondi biex Louie jkun jista’ jagħmel l-operazzjoni tiegħu," kitbet Francesca. Hija spjegat li żaritu u li diġà jidher li sejjer aħjar, iżda saħqet li għad fadal triq twila quddiemu. Għaldaqstant, l-appell għall-għajnuna għadu għaddej hekk kif hemm bżonn aktar fondi biex ikopru ż-żmien li Louie se jqatta’ l-isptar kif ukoll il-mediċini meħtieġa.

Francesca appellat biex dawk li jistgħu jkomplu jaqsmu l-appell u jagħtu d-donazzjoni tagħhom, filwaqt li saħqet li kull għajnuna, żgħira kemm hi żgħira, tista’ tagħmel differenza. Nittamaw li l-operazzjoni ta’ Louie tkun suċċess u nawgurawlu fejqan sħiħ u ta’ malajr.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Sitt Taljani Arrestati Fl-Ajruport B’Rabta Ma’ Vandaliżmu Fuq Karozzi Fis-Swieqi

Emil Calleja Bayliss Illum

Sitt persuni ta’ nazzjonalità Taljana ġew arrestati fl-Ajruport Internazzjonali ta’ Malta b’rabta ma’ każ ta’ vandaliżmu fuq karozzi fis-Swieqi. Dan tħabbar mill-Viċi Sindku tas-Swieqi, Jordan Galea Pace, f’aġġornament li ppubblika fuq il-midja soċjali. Hu spjega li l-arresti saru wara ħsarat li ġew ikkawżati fuq numru ta’ vetturi fil-lokalità matul il-lejl ta’ qabel. Skont Galea Pace, […]