Ixxerja

Sitt persuni ta’ nazzjonalità Taljana ġew arrestati fl-Ajruport Internazzjonali ta’ Malta b’rabta ma’ każ ta’ vandaliżmu fuq karozzi fis-Swieqi. Dan tħabbar mill-Viċi Sindku tas-Swieqi, Jordan Galea Pace, f’aġġornament li ppubblika fuq il-midja soċjali. Hu spjega li l-arresti saru wara ħsarat li ġew ikkawżati fuq numru ta’ vetturi fil-lokalità matul il-lejl ta’ qabel.

Skont Galea Pace, l-investigazzjonijiet dwar il-każ għadhom għaddejjin sabiex jiġi stabbilit min kien responsabbli għall-ħsarat. Il-Viċi Sindku rringrazzja lill-Community Police Team tas-Swieqi għall-ħidma li wettqu, kif ukoll lir-residenti u lill-operatur tas-short-let li kkoperaw sabiex dawn il-persuni setgħu jiġu identifikati.

"Flimkien qed inġibu r-riżultati," kiteb Galea Pace, filwaqt li wassal ukoll messaġġ ċar lil dawk li jżuru jew joqogħdu fil-lokalità. "Nilqgħuk fis-Swieqi, dment li tirrispetta lir-residenti, il-proprjetà tagħhom u l-liġijiet tagħna," temm jgħid il-Viċi Sindku.

L-investigazzjonijiet dwar il-każ għadhom għaddejjin.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Jitolbu L-Għajnuna Biex Jinstab Żagħżugħ Ta’ 16-Il Sena Bl-Awtiżmu Li Bħalissa Jinsab Mitluf

Cristian Tonna Illum

Bħalissa fuq il-midja soċjali qed jinxterdu diversi appelli għall-għajnuna hekk kif żagħżugħ ta’ 16-il sena li għandu l-awtiżmu jinsab mitluf.Iż-żagħżugħ jismu Arsene u ntlemaħ l-aħħar fil-lokalità tal-Iklin, fi Triq Ċensu Busutill. Hu kien liebes flokk iswed, xorts u karkur.Il-familjari tiegħu stqarru li jinsabu “iddisprati sabiex inġibuh lura d-dar”. F’dan l-isfond, huma talbu bil-ħniena lil kull […]