Kull omm tkun tixtieq l-aħjar għal uliedha. Omm Shazia kitbet messaġġ lil bintha jum qabel ġurnata important.
Hi kitbitilha, “Għada għandna l-LEP ta’ Shazia tiegħi, u ma nistax niċħad li qalbi mimlija biża’ u emozzjoni. Bħala omm, irrid biss li dak kollu li jiġi deċiż ikun għall-ġid ta’ binti u li tingħata s-sapport kollu li teħtieġ biex timxi ’l quddiem bil-pass tagħha. Naf li l-għalliema u l-LSE jħobbuha ħafna, u minn qalbi nirringrazzjahom ta’ kull ħaġa li jagħmlu għaliha. It-talba tiegħi hi li flimkien insibu l-aħjar triq għal Shazia, li ħadd ma jaqta’ qalbu minnha u li tingħata kull opportunità li jistħoqqilha.”
Żiedet tgħid, “Shaz tiegħi, kieku stajt nagħmel ħaġa waħda, kont inneħħilek kull diffikultà minn quddiemek. Imma sakemm ma nistax nagħmel dan, se nibqa’ niġġieled għalik, inkun il-vuċi tiegħek u nemmen fik, anke fil-jiem meta l-biża’ tiegħi jkun kbir wisq. Inti d-dinja tiegħi, Shaz, u l-unika ħaġa li rrid hi li jkollok kull ċans li tiddi bil-mod speċjali tiegħek.”
Facebook / Shazia My Story
