Ixxerja

Kate, li ħafna jsegwu l-vjaġġ tagħha permezz tal-paġna Kate: Writing My Story, qasmet mument mill-isbaħ qabel ma telqet għal attività ta’ camping mal-iScouts Beavers.

Fil-filmat li qasmet, Kate tidher mimlija entużjażmu u bi tbissima li turi kemm kienet qed tistenna bil-ħerqa biex tasal għall-attività, tiltaqa’ mal-leaders tagħha u terġa’ tara lil sħabha.

"Il-mument li nkun naf li wasal il-ħin tal-Iscouts, it-tbissima tiegħi tgħid kollox," Kate tistqarr fil-messaġġ tagħha. Hija tiddeskrivi l-iscouts bħala post li tħobb ħafna, fejn tista’ tieħu gost, tqatta’ ħin ma’ sħabha u tgawdi kull mument.

Esperjenzi bħal dawn joħolqu memorji sbieħ u jagħtu lit-tfal opportunità biex jissoċjalizzaw, jieħdu sehem f’attivitajiet differenti u jħossuhom parti minn komunità.

Mit-tbissima tagħha jidher ċar kemm Kate kienet ħerqana biex tasal u tgawdi ġurnata oħra mal-ħbieb tagħha tal-iScouts. Nittamaw li ħadet gost immens!

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Lifestyle

91% Tan-Negozji Maltin Għadhom Jaċċettaw Il-Flus Kontanti – Il-Ħlas Bil-Mobile Għadu Lura

Emil Calleja Bayliss Illum

Il-flus kontanti għadhom fost l-aktar mezzi ta’ ħlas aċċettati f’Malta, filwaqt li l-użu tal-cards u l-ħlas permezz tal-mobile għadu lura meta mqabbel mal-medja taż-żona ewro.Skont stħarriġ ġdid tal-Bank Ċentrali Ewropew, 91% tan-negozji żgħar u medji Maltin li jbigħu minn post fiżiku jaċċettaw il-flus kontanti, filwaqt li 81% jaċċettaw cards u 43% biss ħlasijiet bil-mobile. Fiż-żona […]