Ixxerja

Il-Paġna Animal Welfare Gozo qasmet Storja ta’ niket  hekk kif qed ifittxu dar ġdida għal Bobby, kelb ta’ tmien snin li minkejja dak kollu li għadda minnu għadu lest biex isib familja li tħobbu. 

Skont il-paġna, Bobby ġie abbandunat matul l-istaġun tal-kaċċa minħabba li ma kienx għadu ta’ servizz għal sidu. Wara li ttieħed fil-kura tagħhom, instab ukoll li Bobby kien spiċċa għal kollox għami.

Minkejja dan, Bobby jirnexxilu jadatta għad-dinja ta’ madwaru billi jiddependi ħafna fuq ix-xamm tiegħu. Fil-fatt, Animal Welfare Gozo spjegaw li jimxi tajjeb biċ-ċinga, anke jekk bħalissa jinsab imdawwar b’ħafna irwejjaħ ġodda fix-xelter.

Madankollu, il-ħajja fix-xelter mhix ideali għalih. Bobby għandu bżonn ambjent komdu fejn ikun jista’ jiċċaqlaq liberament u għalkemm fil-bidu jista’ jaħbat ma’ xi affarijiet sakemm jidhra l-post u jitgħallem fejn tinsab l-għamara, dawk li qed jieħdu ħsiebu jinsabu fiduċjużi li jista’ xorti joffri imħabba imprezzabbli lil sidu.

Animal Welfare Gozo qed jappellaw lil kull min jinsab interessat jagħmel kuntatt magħhom. 

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

“Qatt M’Aħna Se Ninsewk!” – Dalgħodu Ngħatat L-Aħħar Tislima Lill-Attur U Kittieb Joe Gatt

Cristian Tonna Illum

Fis-sigħat bikrin ta’ dalgħodu, ġewwa l-Knisja Parrokjali tal-Mosta, ingħatat l-aħħar tislima lill-attur u kittieb veteran Joe Gatt, li sfortuantament ħalla din id-dinja nhar il-Ġimgħa fl-età ta’ 86 sena.Joe matul ħajtu ħadem bi kbir b’risq id-drama Maltija; fil-fatt, il-pinna tiegħu tat il-ħajja lil għadd ta’ produzzjonijiet Maltin fosthom ‘Għeruq’ kif ukoll ‘Intriċċi’.Matul il-karriera tiegħu, hu wkoll […]