Ixxerja

L-eklissi tal-bieraħ mhux biss offriet spettaklu mill-isbaħ lil dawk li segwewha, iżda wasslet ukoll għal diversi effetti interessanti fl-atmosfera li setgħu jiġu osservati waqt inżul ix-xemx.

Il-paġna It-Temp Madwarna spjegat li matul is-sħana tas-sajf, l-atmosfera ma tisħonx b’mod uniformi. Dan isir aktar evidenti meta x-xemx tkun kważi niżlet, hekk kif id-dawl tagħha jgħaddi minn diversi saffi tal-atmosfera. L-effetti ta’ dan il-proċess jistgħu saħansitra jidhru fir-ritratti tax-xemx nieżla.

Waqt l-eklissi tal-bieraħ, wieħed mill-aktar effetti evidenti kien id-deformazzjoni tax-xemx. Fost il-fenomeni osservati kien hemm dak magħruf bħala “inferior mirage”, li deher eżatt taħt ix-xemx hekk kif din dehret tmiss mal-baħar.

Deher ukoll effett ieħor ferm interessanti magħruf bħala “green flash”. Dan deher bħala lewn aħdar żgħir eżatt fuq ix-xemx waqt l-aħħar mumenti ta’ nżulha.

Dawn il-fenomeni komplew jagħmlu l-eklissi tal-bieraħ esperjenza aktar partikolari għal dawk li kellhom iċ-ċans josservawha u jieħdu ritratti tagħha.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Joven Grech Jiċċelebra Għeluq L-14-il Sena Ta’ Ibnu Mason B’Tifkira Speċjali

Eileen Cumbo Salerno Illum

Joven Grech, magħruf ukoll bħala Tenishia, ilbieraħ wassal messaġġ mill-isbaħ fl-okkażjoni ta’ għeluq l-14-il sena ta’ ibnu l-kbir, Mason.Joven irrakkonta kif fl-2012 kien jaf li d-data mistennija għat-twelid ta’ Mason kienet se tkun madwar it-tieni ġimgħa ta’ Awwissu. Minħabba l-impenji tiegħu bħala DJ internazzjonali, huwa kien talab lill-aġent tiegħu biex jorganizzalu spettaklu f’Melbourne f’dawk il-jiem, […]