Ixxerja

Corinne u Nina jieħdu ħsieb xelter tal-annimali li jospita 113-il żiemel. Waqt il-programm Mal-Erbat Irjieħ, huma jitkellmu dwar l-isfida ewlenija li qed jaffaċjaw biex isibu l-voluntiera fl-isfond tas-sħana tremenda li qed tolqot lill-gżejjer Maltin bħalissa.

"Mhux faċli li ssib lil xi ħadd li minflok imur ġurnata baħar, jiġi ġurnata hawn inaddaf u jieħu ħsieb liż-żwiemel," tirrimarka Corinne li wieħed jista' evidentament jara l-passjoni li għandha lejn iż-żwiemel.

Corinne tispjega l-ħidma li titwettaq b'mod regolari f'dan ix-xelter. "Hemm ħafna xogħol fiżiku xi jsir... ta' kuljum naraw li naħslu l-istalel, nisqu u nitimgħu liż-żwiemel kollha, u wara naraw ukoll li nqattgħu ftit ħin individwali maż-żwiemel fejn naħsluhom, noħorġuhom, nirkbuhom u naraw li ma jkunu nieqsa minn xejn," tispjega Corinne.

Nina titkellem ukoll dwar ir-relazzjoni speċjali li huma jibnu maż-żwiemel. Tispjega kif kull żiemel huwa differenti u għandu l-personalità tiegħu, anke jekk stess f'għajnejn ħafna jistgħu kollha jidhru l-istess.

Prosit lil Corinne u Nina għall-ħidma tagħhom ma' dawn iż-żwiemel.

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

Issa

Rom Għandha Bżonn L-Għajnuna Wara Li Żviluppat Kanċer F’Widnejha – Ackerley Pace

Eileen Cumbo Salerno Illum

Rom hija qattusa li madwar tliet snin ilu ġiet salvata waqt li kienet tqila. Illum reġgħet għandha bżonn l-għajnuna tal-pubbliku wara li saħħitha marret għall-agħar.Dak iż-żmien, Rom welldet b’mod sigur taħt il-kura ta’ RAR u aktar tard ġiet sterilizzata. Sfortunatament, minn dakinhar tilfet waħda minn għajnejha u issa żviluppat ukoll kanċer f’widnejha. Minħabba l-kundizzjoni tagħha, […]