Ixxerja

B’sogħba tħabbret il-mewt ta’ Carmen Vella, li kienet taħdem bħala care worker f’RW4 fiċ-Ċentru ta’ Riabilitazzjoni Karin Grech. F’messaġġ ta’ tislima mill-qalb, il-kollegi tagħha ddeskrivew lil Carmen bħala persuna ta’ qalb tajba, ħanina u ġentili, li dejjem kienet tittratta lill-pazjenti b’paċenzja, dinjità u kura ġenwina.

Tul il-ħidma tagħha, Carmen irnexxielha tibni relazzjoni sabiħa mal-pazjenti, tant li kienet tagħmilhom iħossuhom siguri, rispettati u apprezzati. Fl-istess waqt, il-karattru dħuli tagħha u r-relazzjoni mill-isbaħ li kellha mal-kollegi għamluha membru maħbub ħafna mit-tim tas-sala tar-riabilitazzjoni.

Il-kollegi tagħha semmew ukoll li Carmen iffaċċjat diversi diffikultajiet tul ħajjitha, iżda minkejja dan baqgħet tagħti l-qalb, il-ħin u l-kura tagħha lil dawk ta’ madwarha. “In-nuqqas tagħha se jinħass ħafna mill-pazjenti tagħna u minna lkoll li kellna l-privileġġ naħdmu magħha,” kitbu fit-tislima tagħhom.

“Strieħ fis-sliem, Carmen. Il-qalb tajba, id-dedikazzjoni u l-qalb sabiħa tiegħek ma jintesew qatt.” Minn Gwida.mt, ningħaqdu mal-ħafna messaġġi ta’ sogħba u nwasslu l-kondoljanzi tagħna lill-familja, lill-ħbieb u lill-kollegi kollha ta’ Carmen f’dan il-mument diffiċli.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

“Għandi Bżonn Lil Xi Ħadd Li Jaf Lil Xi Ħadd” – Is-Sejħa Mill-Qalb Ta’ Ingrid Sammut

Emil Calleja Bayliss Illum

Ingrid Sammut fetħet qalbha f’messaġġ personali dwar ir-realtà diffiċli li qed tgħix wara l-kanċer u t-trattamenti li għaddiet minnhom, hekk kif għamlet sejħa pubblika bit-tama li ssib speċjalisti li jistgħu jgħinuha. Wara perjodu ’l bogħod minn Facebook, Ingrid qalet li qed tgħix b’uġigħ newropatiku qawwi u kontinwu, problemi serji fil-funzjoni ta’ sieqha, nuqqas ta’ rqad […]