Illum huwa jum speċjali għall-preżentatriċi lokali Pauline Agius hekk kif qed tiċċelebra għeluq sninu binha ċ-ċkejken. F’dan il-jum għażiż għal familtha, Pauline qasmet mal-pubbliku mument mill-isbaħ, ritratt mill-praċett ta’ binha, li mhux biss juri l-ferħ fuq wiċċ it-tifel, iżda wkoll l-imħabba u l-kburija ta’ omm.
Fl-istess post, Pauline kitbet messaġġ mill-qalb, “Awguri żgħiru. Illum jum twelidek! Iżda din is-sena kienet waħda speċjali għalik. F’ġimgħa ċċelebrajt l-ewwel tqarbina u għeluq is-seba’ snin tiegħek! Il-Mulej ibierkek illum u dejjem.”
View this post on Instagram
Dan il-messaġġ juri kemm dan iż-żmien huwa importanti u sinifikanti mhux biss għal tifel tagħha, iżda wkoll għall-familja kollha. L-ewwel tqarbina, flimkien ma’ għeluq is-seba’ snin, huma żewġ avvenmenti li jfissru pass ’il quddiem fil-mixja tal-ħajja ta’ kull tifel.
Pauline, bħala omm u figura pubblika li ħafna jsegwu, qed taqsam dawn il-mumenti mhux biss bħala tifkira personali, iżda wkoll biex tagħti spazju lill-pubbliku jifraħ magħha. Nibagħtu wkoll l-awguri tagħna lil binha f’din l-okkażjoni speċjali.
Facebook / Pauline Agius
