Fuq il-midja internazzjonali dalgħodu seraq l-attenzjoni episodju li ġara lbieraħ lir-Re Karlu III meta waqt żjara li kien qiegħed jagħmel fil-Karibew bdiet nieżla x-xita qalila u l-Kap tal-monarkija Brittanika tħalla mingħajr umbrella b'konsegwenza li spiċċa għasra.
F'filmati li ttellgħu matul dawn l-aħħar sigħat fuq il-midja soċjali, ir-Re jidher li kien qiegħed flimkien ma' martu r-Reġina Camilla. Hu jidher evidentament frustrat hekk kif kemm hu kif ukoll martu t-tnejn bdew jistaqsu lill-assistenti tagħhom sabiex iġibulhom umbrella ħalli jistkennu mill-qilla tax-xita.
Wara ftit sekondi, l-assistenti jidhru jagħtu umbrella lir-Reġina Camilla filwaqt li jinsew għalkollox lir-Re Karlu III.
Dan l-episodju ġie segwit minn miljuni madwar id-dinja f'kemm trodd salib hekk kif qanqal reazzjonijiet differenti fost is-segwaċi.
The heavens opened just minutes after the King and Queen arrived at Sir Vivian Richard’s Stadium for the 45th Independence Parade. ☔️ Camilla gestured for her umbrella and was soon sheltering underneath it, but Charles appeared to have been forgotten… and was left standing outside in the pouring rain while repeatedly asking: “Where’s my umbrella?”
— Emily Ferguson (@emilyinpalace) November 1, 2026
X / Emily Ferguson
