Ixxerja

It-tennista Maltija Francesca Curmi kompliet tikteb paġna oħra importanti fl-istorja tal-isport Malti hekk kif laħqet l-ogħla ranking tal-karriera tagħha fil-klassifika dinjija tal-WTA. Ta' 22 sena, Curmi issa telgħet sal-pożizzjoni numru 235 fid-dinja fis-singles, kisba li tkompli ssaħħaħ ir-rekord tagħha bħala l-aqwa tennista Maltija li qatt kellha din il-klassifika mondjali.

Dan il-progress impressjonanti ġie wara żieda ta' 163 post minn April 'l hawn, xhieda tal-forma eċċellenti li qed turi fit-tournaments internazzjonali u tal-ħidma kontinwa tagħha biex tkompli tavvanza fil-karriera professjonali. Il-kisba ta' Curmi hija mument ieħor ta' kburija għall-isport Malti, hekk kif issa qed tersaq dejjem aktar qrib li tidħol fost l-aqwa 200 plejer fid-dinja – tragward li jkun storiku għal Malta.

Francesca Curmi qed tkompli turi li b'dedikazzjoni, dixxiplina u perseveranza, atleta Malti jista' jikkompeti mal-aqwa talenti internazzjonali u jkompli jgħolli l-isem Malta fix-xena sportiva dinjija.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Negozji Qed Joffru Għajnuna Lil Min Intlaqat Mill-Qtugħ Tad-Dawl U Sħana Qawwija

Emil Calleja Bayliss Illum

Diversi negozji f’Malta fetħu l-bibien tagħhom biex jgħinu lil dawk milquta mis-sħana intensa u l-qtugħ tad-dawl mifrux li ħalla eluf ta’ familji mingħajr elettriku matul il-lejl bejn it-Tnejn u t-Tlieta. It-temperaturi laħqu madwar 42°C, filwaqt li diversi ħsarat fuq in-network ta’ Enemalta wasslu biex numru ta’ lokalitajiet madwar Malta spiċċaw mingħajr provvista tal-elettriku għal sigħat […]