Ixxerja

Francesco Brincat ġie identifikat bħala ż-żagħżugħ ta’ 26 sena li lbieraħ tilef ħajtu traġikament f’inċident tat-traffiku f’Santa Venera. Francesco, residenti l-Marsa u magħruf ma’ sħabu bil-laqam Zukku, kien involut f’ħabta li seħħet għall-ħabta tal-17:30 fi Triq il-Kbira San Ġużepp. Fl-inċident kienu involuti tliet vetturi.

B’konsegwenza tal-ħabta, waħda mill-vetturi nqalbet. Fuq il-post issejħu minnufih membri tal-Protezzjoni Ċivili u tim mediku biex jagħtu l-assistenza meħtieġa. Sfortunatament, minkejja l-assistenza li ngħatat, Francesco ġie ċċertifikat mejjet fuq il-post. Il-persuni l-oħra li kienu involuti fl-inċident ma ġarrbux ġrieħi.

Dwar il-każ infetħet inkjesta maġisterjali, filwaqt li l-Pulizija għadha għaddejja bl-investigazzjonijiet tagħha biex jiġu stabbiliti ċ-ċirkostanzi eżatti li wasslu għal din it-traġedja. Gwida.mt twassal il-kondoljanzi tagħha lill-familja u l-ħbieb ta’ Francesco, kif ukoll lil dawk kollha li kienu jafuh u jħobbuh f’dan il-mument diffiċli.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Jum Speċjali Għas-Sindku Tal-Imġarr Paul Vella – Illum Qed Jiċċelebra Għeluq Sninu

Emil Calleja Bayliss Illum

Ġurnata speċjali għas-Sindku tal-Imġarr, Paul Vella, hekk kif illum qed jiċċelebra għeluq sninu. F’din l-okkażjoni, il-Kunsill Lokali tal-Imġarr qasam messaġġ qasir iżda mill-qalb biex jawguralu f’dan il-jum. “Illum imiss li nagħtu l-awguri tagħna lis-Sindku, Paul Vella, f’għeluq sninu. Awguri u xewqat sbieħ,” kiteb il-Kunsill fuq il-mezzi soċjali tiegħu. Żgur li mal-awguri tal-Kunsill jingħaqdu wkoll dawk […]