Il-Membru Parlamentari Anthony Agius Decelis qasam messaġġ pubbliku ta’ ringrazzjament lill-ħaddiema u l-professjonisti tas-saħħa li bħalissa qed jieħdu ħsieb lil missieru. Fil-messaġġ tiegħu, Agius Decelis irringrazzja lil dawk kollha involuti fil-kura ta’ missieru, mill-infermiera u t-tobba sal-professjonisti mediċi u paramediċi, il-ħaddiema tal-emerġenza u dawk tas-sala fejn bħalissa jinsab rikoverat.
“Grazzi mill-qalb lill-ħaddiema kollha, lill-infermiera, lill-professjonisti mediċi u paramediċi, lit-tobba u lill-professjonisti kollha tal-emerġenza, kif ukoll lill-ħaddiema tas-sala fejn qed jinżamm missieri, għas-servizz, id-dedikazzjoni u l-professjonalità kbira li qed juru fil-kura li qed jingħata,” kiteb id-Deputat.
Agius Decelis għażel ukoll li jenfasizza mhux biss il-professjonalità tal-ħaddiema, iżda l-aspett uman tal-kura li l-familja tiegħu qed tesperjenza f’dan il-mument. “Grazzi tal-ħidma kontinwa, tal-paċenzja, tal-attenzjoni u, fuq kollox, tal-umanità li qed turu f’mument tant importanti. Il-ħidma tagħkom hija tassew apprezzata u denja ta’ kull tifħir.”
Filwaqt li ma daħalx f’dettalji dwar il-kundizzjoni ta’ missieru, il-messaġġ tiegħu kien wieħed ta’ apprezzament lejn dawk li ta’ kuljum jaħdmu biex jagħtu kura u sostenn lill-pazjenti u lill-familji tagħhom. Minn Gwida.mt, nawguraw lil missier Anthony Agius Decelis fejqan ta’ malajr u nibagħtu l-isbaħ xewqat lill-familja kollha f’dan il-mument.
Facebook / Anthony Agius Decelis
