Ixxerja

Id-Dar tal-Providenza appellat għall-għajnuna tal-pubbliku hekk kif għaddejjin il-preparamenti għall-edizzjoni tal-2026 tal-BOV Volleyball Marathon.

Hu mistenni jkun l-aktar wieħed ambizzjuż s’issa. F’messaġġ li ttella’ fuq il-paġna uffiċjali tagħha, Id-Dar tal-Providenza ħeġġet lil dawk interessati biex jingħaqdu bħala voluntiera kemm fil-ġimgħat ta’ qabel l-avveniment kif ukoll matul il-maratona ta’ volleyball ta’ 53 siegħa.

L-organizzaturi spjegaw li l-għajnuna tal-voluntiera hija essenzjali biex l-avveniment ikun suċċess u biex jitkompla jinġabar appoġġ għall-ħidma li twettaq Id-Dar tal-Providenza.

Kull min jista’ jagħti ftit mill-ħin tiegħu qed jintalab jimla l-formola online sabiex jingħaqad mat-tim tal-voluntiera.

Il-BOV Volleyball Marathon tibqa’ waħda mill-akbar inizjattivi ta’ ġbir ta’ fondi f’Malta, li kull sena tiġbed lejha mijiet ta’ voluntiera u sostenituri għal kawża nobbli.

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

Issa

“Il-Papà Għamel Waħda Minn Tiegħu!” – Mument Ħelu U Umoristiku Maqsum Minn Guilherme 

Eileen Cumbo Salerno Ilbieraħ

Mhux kull storja li tinxtered fuq il-midja soċjali tkun waħda serja. Din id-darba, il-paġna Guilherme’s Journey of Hope qasmet mument ħelu u umoristiku li ġab tbissima fuq wiċċ ħafna segwaċi. F’messaġġ qasir iżda mimli ċajt, Guilherme kiteb: “Il-papa għamel waħda minn tiegħu llum!  Wassalni l-iskola… u ħalla l-basket tiegħi d-dar! Ejja idħku ftit bih! ” Dan kollu seħħ […]