Ixxerja

Is-soprano u tutor lokali Gillian Zammit qasmet messaġġ mimli kburija u emozzjoni hekk kif faħħret il-prestazzjoni notevoli tal-mezzo soprano Marvic Monreal, li bħalissa qed tispikka fuq wieħed mill-aktar palkijiet prestiġjużi fid-dinja fl-opera ta’ Pariġi.

F’post fuq il-midja soċjali, Zammit kitbet, “Kburija bil-meraviljuża Marvic Monreal – ‘Mezzo Soprano’ lanqas biss jibda jiddeskrivi dak li ħassejt waqt li kont qed nara l-prestazzjoni stupenda tagħha lbieraħ fil-Paris Opera f’Eugene Onegin.”

Gillian mhux biss enfasizzat il-livell artistiku għoli li laħqet Monreal, iżda wkoll tirrifletti r-rispett profond li tgawdi mingħand professjonisti oħra fil-qasam mużikali. Li tispikka f’produzzjoni bħal Eugene Onegin, xogħol ikoniku mimli sfumaturi emozzjonali u vokali, hija xhieda ċara tat-talent, id-dixxiplina u l-maturità artistika tagħha.

Is-suċċess ta’ Marvic Monreal f’Pariġi huwa wkoll sors ta’ ispirazzjoni għall-komunità artistika Maltija kollha, li qed tara wieħed minnha jirnexxi fuq livell internazzjonali daqshekk għoli. Il-kliem ta’ tifħir minn Gillian Zammit isaħħaħ aktar dan is-sentiment ta’ kburija kollettiva u jagħti ġieħ lil karriera li tidher li għadha biss fil-bidu ta’ kapitlu importanti ħafna.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Għada L-Knisja Tiċċelebra B’Mod Iktar Speċjali L-Ħniena Divina, Festa Li Tfakkarna Fl-Imħabba – Arċidjoċesi Ta’ Malta

Rowena Grech Ilbieraħ

Il-pjattaforma soċjali tal-Arċidjoċesi ta’ Malta ttella’ tfakkira li għada fil-knisja kattolika tiġi ċċelebrata l-Ħniena Divina. Din hija festa tassew speċjali li tfakkar l-imħabba bla kundizzjoni ta’ Ġesu, fejn fiha mistiedna sabiex nersqu għal qrara u maħfra. “Għada l-Knisja tiċċelebra b’mod iktar speċjali l-Ħniena Divina, festa li tfakkarna fl-imħabba bla tarf tal-Mulej u li tistedinna nersqu […]