Ixxerja

Mara ta’ 64 sena, mill-Ħamrun, tilfet ħajjitha b’mod traġiku f’inċident tat-traffiku li seħħ fil-Ġermanja fid-29 ta’ Diċembru li għadda.

Il-mara, Doreen Böhnert, kienet ilha residenti fil-belt ta’ Bonn għal bosta snin, wara li marret tgħix hemm fi żmien iż-żgħożija tagħha. Minkejja dan, ir-rabta tagħha ma’ Malta baqgħet b’saħħitha, tant li kienet tiġi ta’ spiss u tqatta’ xhur sħaħ fir-residenza tagħha fil-gżejjer Maltin.

Dawk li kienu jafuha mill-qrib iddeskrivewha bħala mara mimlija ħajja, b’sens ta’ umoriżmu qawwi, b’personalità li kienet tħalli marka fuq kull min jiltaqa’ magħha.

Fost il-messaġġi ta’ tifkira, Dun Ġorg Micallef sellem il-memorja tagħha billi rringrazzjaha għall-affezzjoni u l-appoġġ li dejjem uriet, speċjalment lejn is-saċerdoti, li kienet tqishom bħala parti mill-familja tagħha stess.

Sadanittant, fuq il-pjattaformi soċjali, bosta persuni qasmu d-dieqa tagħhom għal din it-telfa f’daqqa, u ħafna minnhom saħqu li bosta se jimmissjaw lil Doreen li l-preżenza tagħha kienet iddawwal ħajjithom.

Strieħ fil-paċi għażiża!

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Għada L-Knisja Tiċċelebra B’Mod Iktar Speċjali L-Ħniena Divina, Festa Li Tfakkarna Fl-Imħabba – Arċidjoċesi Ta’ Malta

Rowena Grech Ilbieraħ

Il-pjattaforma soċjali tal-Arċidjoċesi ta’ Malta ttella’ tfakkira li għada fil-knisja kattolika tiġi ċċelebrata l-Ħniena Divina. Din hija festa tassew speċjali li tfakkar l-imħabba bla kundizzjoni ta’ Ġesu, fejn fiha mistiedna sabiex nersqu għal qrara u maħfra. “Għada l-Knisja tiċċelebra b’mod iktar speċjali l-Ħniena Divina, festa li tfakkarna fl-imħabba bla tarf tal-Mulej u li tistedinna nersqu […]