Iż-żeffien lokali ħabbar fuq il-midja soċjali tiegħu li jinsab pożittiv għall-Covid-19. Hu għamel dan, ftit tal-ħin ilu permezz ta’ status li ħalla fuq Facebook.
Hu kiteb, “huwa żmien Covid għalija wkoll. U l-esperjenza, in-nuqqas ta’ pjaċir u l-ansjetà ġew iżuru u nisperaw li jisparixxu malajr kemm daħlu. Huwa virus tassew stramb. Filwaqt li oħrajn sofrew minn sogħla severa, uġigħ, uġigħ billejl, uġigħ ta’ ras… tiegħi bdew bl-ebda jew kważi l-ebda sintomu. Uġigħ fil-griżmejn ħafif. Sogħla ħafifa u bilkemm ineżistenti u ftit għaraq matul il-lejl.”
Hu jkompli jgħid, “Iżda l-ansjetà, il-biża’, il-priġunerija jżidu mal-lista tal-ħsibijiet li jakkumpanjawhom. Speċjalment meta wieħed ikun jaf li s-sistema respiratorja tiegħu hija l-iktar ħolqa dgħajfa – u kelli l-ewwel lejl bla rqad tiegħi b’uġigħ fid-dahar u ftit qtugħ ta’ nifs. Aaagh .. u l-età. Nibqa’ ninsa li m’għadnix ta’ 25.”
Aħna nawgurawlek fejqan ta’ malajr Felix u nittamaw li tirkupra ma ddumx. Fi ħsiebna u għamel kuraġġ f’dan iż-żmien diffiċli.
Facebook / Felix Busuttil
