Ixxerja

Il-kantanta Maltija Chiara Siracusa llum qed tiċċelebra mument tassew speċjali hekk kif tagħlaq 50 sena.

Chiara twieldet fil-25 ta’ Settembru 1976 u tul is-snin saret waħda mill-aktar vuċijiet magħrufa u maħbuba fix-xena mużikali Maltija. Il-vjaġġ tagħha beda minn kmieni, fosthom bil-parteċipazzjoni tagħha f’L-Għanja tal-Poplu fl-1995 bil-kanzunetta Ismagħni Ftit Ħabib. Tliet snin wara rebħet il-Malta Song for Europe b’The One That I Love u rrappreżentat lil Malta fil-Eurovision, fejn kisbet it-tielet post.

Fl-2005 reġgħet rebħet il-festival Malti b’Angel, kanzunetta miktuba minnha stess, u kisbet it-tieni post fil-Eurovision. Fl-2009 irritornat għall-Eurovision għat-tielet darba b’What If We. Matul il-karriera tagħha kantat ukoll ma’ artisti internazzjonali bħal Leo Sayer u Boney M, u pparteċipat f’kunċert ta’ Michael Bolton f’Malta. Minbarra l-mużika, Chiara hija wkoll omm.

It-Tim ta' Gwida.mt jawgura l-isbaħ xewqat lil Chiara u jalla l-50 sena jkunu l-bidu ta’ kapitlu ġdid mimli saħħa, ferħ, imħabba u, fuq kollox, ħafna aktar mużika.

Ixxerja

Miktub Minn

Matthea Grech

Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.

Gossip

Mument Ta’ Mħabba U Gratitudni Hekk Kif L-MP Michael Piccinino Jiċċelebra Lil Michela

Matthea Grech Illum

F’messaġġ qasir iżda mimli mħabba, il-Membru Parlamentari, Michael Piccinino, wassal l-awguri tiegħu lil Michela f’għeluq sninha, b’kelma li tfisser ħafna aktar minn sempliċi “awgurju”.Michael irringrazzjaha talli dejjem kienet maġenbu u talli tat l-appoġġ tagħha f’kull mument. Kliemu juri kemm japprezza l-preżenza tagħha f’ħajtu u kemm huwa grat għall-persuna li tibqa’ hemm, kemm fil-mumenti sbieħ kif […]