Permezz ta’ kitba fuq il-paġna taghha, Marvic Fenech li hi Ms Diamond EU qasmet messaġġ importanti immens.
Qalet, “Għal snin twal, il-pjattaforma tiegħi kienet iffukata fuq il-pożittività tal-ġisem. Illum, wara li ġejt dijanjostikata bil-lipedema, saret ukoll dwar l-għarfien. Għax il-lipedema mhijiex “sempliċement xaħam”. Hija kundizzjoni medika reali li tikkawża uġigħ, infiħ, u bidliet fil-ġisem li ħafna nies jew ma jagħrfuhomx, jew agħar minn hekk, jiġġudikaw.”
Żiedet, “Wisq nisa jiġu mwarrba, dijanjostikati ħażin, jew jgħidulhom “sempliċement naqqas il-piż”, meta r-realtà hija ferm iktar profonda. Dan għandu jiġi diskuss. Dan għandu jidher. Se nkompli nħaddan il-kunċett ta’ self love, iżda wkoll il-verità — biex neduka, biex inwaqqa’ l-istigma, u biex infakkar lil kull min għaddej minn dan: m’intix waħdek, u l-esperjenza tiegħek hija valida. Ejja nibdlu n-narrattiva flimkien.”
Facebook/Marvic Fenech
