Sfortunatament ħarġet l-aħbar li ħalliena Godfrey Gatt. Il-kantant Ian J Vella kiteb messaġġ emozzjonanti b’dedikazzjoni.
“Illum irċevejt l-aħbar ta’ niket kbir li tlift mhux biss ħabib għażiż, imma persuna li kont inqisha bħala ħija – l-għalliem taż-żfin u l-mentur tiegħi, Godfrey Gatt,” hu kiteb.” Qsamna tant memorji flimkien matul is-snin. Kelli l-unur li tkun ix-xhud tiegħi fit-tieġ, flimkien mal-għażiża mara tiegħek, Carmen Gatt. Qatt mhu se ninsa l-għadd bla qjies ta’ sigħat li qattajna flimkien, l-iljieli li qattajt għandkom id-dar, id-daħk, il-lezzjonijiet u dawk il-mumenti kollha li llum saru memorji prezzjużi.”
“Għallimtni ħafna aktar miż-żfin. Għallimtni nkun b’saħħti, li nistinka u nibqa’ għaddej biex nagħmel dak li hemm bżonn, tkun kemm tkun diffiċli l-ħajja. Dawk il-lezzjonijiet se jibqgħu miegħi għal dejjem,” huma kompla jgħid. “Se tħalli vojt kbir warajk, imma qatt, qatt mhu se tintesa.”
Aħna mit-tim ta’ Gwida.mt nixtiequ nagħtu l-kondoljanzi tagħna lill-qraba u ħbieb ta’ Godfrey.
Facebook / Ian J Vella
