Joe Julian Farrugia, magħruf għas-show ta’ kull filgħodu tiegħu fuq Radju Malta bl-isem Joe Julian Filgħodu, jaqsam magħna fuq il-paġna soċjali tiegħu r-riċetta tal-Borma tal-Ġimgħa Mqaddsa.
L-ingredjenti huma: flixkun inbid Marsala, grokk Aniżetta, larinġa, mandolina, tuffieħa, bastun kannella, imsiemer tal-qronfol, qxur tal-lumi, nofs kuċċarina Mixed Socies, 3 werqiet tar-Rand u ftit Friar's Balsam.
Din it-taħlita għandha ssir f'borma li mhux ser tintuża iktar. Il-frott għandhom jitqattgħu fi bċejjeċ kbar u itfagħhom mal-ħwawar kollha fil-borma. Għatti kollox bl-inbid u ħalli t-taħlita fuq nar bati ħafna.
Il-Borma tal-Ġimgħa Mqaddsa hija drawwa tradizzjonali tipika tal-Maltin, li ssir speċjalment matul il-Ġimgħa l-Kbira u l-Ġimgħa Mqaddsa. Din il-borma tikkonsisti f’taħlita ta’ ingredjenti naturali li, meta msajra fuq nar ħafif, tinfirex b’riħa qawwija u mistika. Ir-riħa toħloq ambjent ta’ kontemplazzjoni u qima spiritwali.
Din il-borma spiss wieħed isibha fi knejjes, wirjiet u anka fid-djar tal-Maltin. Il-fwieħa li tarmi din it-taħlita tgħin sabiex wieħed jidħol iktar fl-atmosfera.
Din it-taħlita spiss titqiegħed f'knejjes, wirjiet, u anke fid-djar ta' dawk li jħobbu t-tradizzjonijiet tal-Ġimgħa Mqaddsa. Il-fwieħa li toħroġ minnha tikkontribwixxi biex tinħoloq atmosfera ta’ kontemplazzjoni u qima, filwaqt li tfakkar fid-difna ta’ Ġesù u l-fwejjaħ li ntużaw biex jidilku ġismu.
Ritratti: Facebook / Joe Julian Filgħodu / Wirja Sanctae Crucis
