Servizz ġdid ta’ fast ferry li se jgħaqqad Sliema u Buġibba ma’ Għawdex se jibda jopera uffiċjalment mill-5 ta’ Mejju.
Apparti li titjieb il-konnettività, din l-istrateġija toffri alternattivi aktar effiċjenti għall-ivvjaġġar madwar il-gżejjer.
Is-servizz bejn Sliema u Buġibba se jkun bla ħlas għal dawk li għandhom Tallinja card, filwaqt li passiġġieri li jivvjaġġaw lejn Għawdex se jkollhom iħallsu tariffa.
Kull vjaġġ mistenni jieħu madwar 30 minuta, u b’hekk joffri soluzzjoni konvenjenti għall-passiġġiera.
Oriġinarjament, dan is-servizz kellu jibda jopera f’Awwissu li għadda, iżda ġie pospost wara sfida fil-proċess tat-tenders.
Issa, bil-bidu uffiċjali tiegħu, huwa mistenni li jtaffi parti mill-pressjoni fuq it-traffiku u jtejjeb l-esperjenza tal-ivvjaġġar bejn il-lokalitajiet u Għawdex.
