Permezz ta’ kitba u filmat fuq il-mezzi soċjali tiegħu, l-atleta Malti Neil Agius qasam mas-segwaċi tiegħu vidjow ta’ Jake Vella fejn fih qed jgħum ġo pixxina. Fil-filmat jidher ukoll missieru li f’idejh qed iżomm tank tal-ossiġnu.
Huwa beda billi qal, “kulħadd jaf kemm hu bniedem inspiranti Jake Vella, imma llum bqajt impressjonat. Jake għandu kull skuża valida taħt ix-xemx biex joqgħod fis-sodda l-ġurnata kollha, u kollha huma ġustifikati minħabba l-kundizzjoni tiegħu. Minflok insibu jgħum dalgħodu b’tank tal-ossiġnu miegħu, iva b’tank tal-ossiġnu.”
Kompla billi qal ukoll li, “miegħu hemm ukoll missieru jżomm dan it-tank. Josie Vella, int ta’ ispirazzjoni kbira għalina kollha.”
Mit-tim ta’ Gwida.mt nixtiequ ngħidu prosit kbira kemm lil Jake kif ukoll lil missieru!
View this post on Instagram
